رئيسية الموقع    الصور    المقالات    الملفات   الأخبار   الصوتيات

     

     

    النتائج 1 إلى 2 من 2

    الموضوع: للي يـبي يشتري سيارة جديدة

    1. #1

      للي يـبي يشتري سيارة جديدة

      [frame="13 70"]

      السلام عليكم ورحمة الله وبركاته

      فيه عرض عند الجميح يبيع سيارات بسعر رخيص جدا

      السيارات هذي غرقت في الفيضانات الاخيرة في جدة وبعد ما استلم الوكيل تعويضاته من التامين قام يصرفها!!!!!!

      والمشكلة انه يقول ماعليها ضمان!!!!
      الحذر ثم الحذر ثم الحذر






      رد من الردووووووووووووووووووووووووووووووووووووووووووووووود


      امس فتحت الجريدة واشوف عرض شركة الجميح قلت يا ولد فرصه تبيع هالخرده اللي معك وتزيدها شي بسيط وتطق لك موتر جديد !!
      بما ان عروضهم كانت مغريه نوعا ما اللومينا مخزنه طبعا من موديل 2005 الى 2008 ب 35 الف ريال فقط
      طبعا حسب الاعلان المعروض


      لعلي رحت امس لمعرض الجميح بالرياض طريق خريص وقابلت حدى الموظفين قال لي ان السيارات جايه بالطريق من جده تعال لنا بعد اسبوع او قبل بكم يوم قلت طيب اقدر احجز؟؟ قال لا ! قلت طيب السيارات عليها ضمان؟؟ قال ايه اكيد !!

      قعدت اقلبها يمين ويسار قلت بيسير فيها واسطات وما واسطات قلت خل الحق عمري ادور لي احد اعرفه عشان احجز لي سيارة

      كلمت الوالد اذا يعرف له احد بالجميح قال ايه اعرف !! ويتصل على هاك المسئول طبعا من المسئولين الكبار بشركة الجميح !!

      طبعا المسئول يقول للوالد السيارة لك ؟؟ قال لا !!
      قال طيب شخص يعز عليك ؟؟ قال ايه لولدي السيارة !!

      قال ما انصحك !! طيب ليه ؟؟

      قال كل هالسيارات اللي بالعرض جايه من مخازن جده ولاعب فيها السيل لعب !! وتم تظبيطها وتبي تباع بهالعرض !! قال طيب عليها ضمان ؟؟ قال لا ما فيها ضمان
      هذا اللي صار معي امس والله شاهد على كل حرف كتبته .....

      وعلى حسب ما سمعت أن اغلب الوكالات متأثرة بسيول قويزه وخصوصا عبداللطيف جميل

      فعلى كل من بيشري سيارة جديده الانتباه لهالنقطه
      بعض الردوووووووووووووووووووووووووووووووووود ايضا


      كلنا سمعنا عروض الجميح


      ركضت وحجزت خمس سيارات ( يوكن وتاهو وكابريس ولومينا وابيكا ) في فرع عنيزة , لأني واثق ان شركة مثل الجميح لايمكن تحتال على الناس بل ستمكن الناس من المشاهدة قبل البيع .


      في اليوم الثاني جيت ومعي دفتر الشيكات عشان أسدد


      قال المصري ان العروض اللي بالجريدة يوجد لكل نوع حبة وحدة وخلصت من أول لحظة ( أول احتيال )



      قلت دور لي موديلات ثانية , دور مالقالي إلا تاهو وابيكا 2006 بـ 36000 واللي كانت موجودة بالعرض 2005 بـ 20 ألف



      قلت ماعندي مشكلة , قال خذ وقع على التعهد



      قريته كالتالي :



      بالاشارة إلى حملة التصفية المعلنة لديكم نأمل البحث والحجز لسيارة من السيارات المشار إليها بعرضكم بتاريخ 9/12/2009 والتي أرغب شراء سيارة منها وعليه أرجو منكم افادتي خلال 48 ساعة من تاريخه بإمكانية السيارة التالية :



      نوع السيارة
      اللون
      الموديل
      السعر


      دون أدنى مسئولية على شركة الجميح للسيارات في حال عدم توفرها نظرا للإقبال الكبير على تلك السيارات علماً أنني أعلم جيداً أن تلك السيارات المعلن عنها هي سيارات مخزنة وليس عليها ضمان وأرغب بشرائها بحالتها الراهنة دون تجهيز أو مطالبتكم بالمشاكل المترتبة على التخزين من كفرات أو بطاريات وخلافه ... وهذا بعلم مني .



      قلت للمصري مامعنى وخلافه ؟
      قال لو تجيك السيارة تشليح ماراح تحصل فلوسك لأنك وقعت بالعلم .



      وهذي صورة من العقد

      منقول

      [/frame]
      [frame="11 70"]
      اللَّهمَّ صَلِّ على مُحمَّدٍ ، وَعَلى آلِ مُحمَّد ، كَمَا صَلَّيْتَ عَلى آلِ إبْرَاهِيمَ ، إنَّكَ حمِيدٌ مجيدٌ . اللهُمَّ بارِكْ عَلى مُحَمَّد ، وَعَلى آلِ مُحَمَّد ، كَما بَاركْتَ على آلِ إبْراهِيم ، إنَّكَ حميدٌ مجيدٌ
      [/frame]

         

      اللَّهمَّ صَلِّ على مُحمَّدٍ ، وَعَلى آلِ مُحمَّد ، كَمَا صَلَّيْتَ عَلى آلِ إبْرَاهِيمَ ، إنَّكَ حمِيدٌ مجيدٌ . اللهُمَّ بارِكْ عَلى مُحَمَّد ، وَعَلى آلِ مُحَمَّد ، كَما بَاركْتَ على آلِ إبْراهِيم ، إنَّكَ حميدٌ مجيدٌ.harbah99@hotmail.com


    2. #2
      تاريخ التسجيل
      Mar 2006
      المشاركات
      56

      نصابين وانا كنت عايز اروح اشوف العروض ديه
      جزاك الله خير يا اخي

         




    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •